Alexa-Rank-Checker

bysimply watching videos •March 06, 2022

0

روس اور یوکرین کے درمیان جنگ کو سات روز ہوچکے ہیں اور دونوں جانب سے حریف کو بھاری نقصان پہنچانےکے دعوے کیے جارہے ہیں۔ روسی حملے سے قبل امریکی انٹیلی جنس نے دعویٰ کیا تھا کہ ماسکو کی جانب سے یوکرین پر پوری قوت سے حملہ کیا جائےگا جس میں روس کی مضبوط فضائیہ کا استعمال بھی کیا جائےگا تاکہ یوکرین کی فضا پر جلد از جلد مکمل کنٹرول حاصل کرلیا جائے۔ توقعات کے برعکس اب تک کی جنگ میں روس کی جانب سے فضائیہ کا زیادہ استعمال نہیں کیا گیا ہے۔ یہ بھی پڑھیں نیٹو کے بعد امریکا کا بھی روس سے جنگ نہ لڑنے کا اعلان روس کی یوکرین میں بمباری جاری، مرکزی ٹی وی کی عمارت پر حملے میں 5 افراد ہلاک نیٹو کا روس کیخلاف یوکرین کو 70 لڑاکا طیارے دینے کا اعلان، کس ملک سے حملےکریں گے؟ روس یوکرین سے جنگ میں کس حد تک جاسکتا ہے ؟ قطری نشریاتی ادارے کے مطابق امریکی حکام بھی واضح نہیں کرپارہے کہ آخر کیا وجہ ہے کہ روس اس قدر احتیاط سے کام لے رہا ہے۔ برطانوی خبررساں ادارے کو امریکا کے ایک سینیئر دفاعی اہلکار نے بتایا کہ روسی جان بوجھ کر اپنے طیاروں اور پائلٹوں کو خطرے میں نہیں ڈالنا چاہ رہے۔ ایک رپورٹ کے مطابق روس کے پاس 1511 لڑاکا طیارے اور 511 جنگی ہیلی کاپٹر ہیں جب کہ یوکرین کے پاس صرف 89 لڑاکا طیارے اور 34 جنگی ہیلی کاپٹر ہیں۔ گوکہ یوکرینی اور روسی فضائیہ میں کسی بھی حوالے سے کوئی موازنہ نہیں ہے، تاہم محدود فضائی طاقت کے باوجود یوکرینی فضائیہ کے طیارے فضا میں اڑ رہے ہیں اور اس کا فضائی دفاعی نظام ابھی تک محفوظ ہے، یہی وہ چیز ہے جس نے عسکری ماہرین کو حیران کر رکھا ہے۔ 24 فروری کو جنگ چِھڑنے کے بعد تجزیہ کاروں کا خیال تھا کہ روس جلدازجلد یوکرینی فضائی اور فضائی دفاعی نظام کو تباہ کرنےکی کوشش کرے گا۔ ایک برطانوی تھنک ٹینک کے `روسی فضائیہ کی پراسرار گمشدگی` کے عنوان سے لکھے گئے مضمون میں کہا گیا ہےکہ جنگ شروع ہونے کے بعد دشمن کی فضائیہ کو فوری نشانہ بنانا عقلی اور متوقع قدم ہے اور 1938 کے بعد سے ہرجنگ میں ایسا ہوتا آرہا ہے۔ دوسری جانب یوکرینی فضائیہ کے لڑاکا طیارے فعال نظر آرہے ہیں، نچلی سطح کی پروازیں کر رہے ہیں، دفاعی کارروائیوں سمیت زمین پر حملے کررہے ہیں۔ عسکری ماہرین کے مطابق یوکرین کے پاس موجود زمین سے فضا میں نشانہ بنانے والے راکٹ روسی طیاروں کے لیے خطرہ بن سکتے ہیں۔ عسکری ماہرین کے مطابق جنگ کے دوران ایسے بہت سے شواہد ملے ہیں جن سے روسی زمینی افواج اور فضائیہ میں ہم آہنگی کا فقدان ظاہر ہوتا ہے، یوکرینی فوج پر حملےکے لیے یہی چیز ہے جو کہ روسی فوج کی خامی کی نشاندہی کرتی ہے اور اب جب کہ یوکرینی فوج کے پاس ترکی کے نئے ڈرون اور امریکا اور برطانیہ کے دیےگئے ٹینک شکن میزائل بھی موجود ہیں تو صورتحال مزید گھمبیر ہوسکتی ہے۔

March 03, 2022

March 05, 2022

March 03, 2022

Lorem Ipsum is simply dummy text of the printing and typesetting industry. Lorem Ipsum has been the industry's.

Designed By - Newb360

Our website uses cookies to improve your experience. Learn more